Dhomat e Specializuara të Kosovës (DhSK) në Hagë kanë kryer bastisje në pronat e ish-deputetit Haxhi Shala i njohur edhe si komnadant “Topi”.

Kështu bëri të ditur për Arbresh.info kryetari i OVL-UÇK-së në Malishevë, Metush Kryeziu.

Sipas tij, Shala është marrë në intervistim teksa shtoi se nuk ka informacione që ai është arrestuar.

“Kemi informacione se janë bastis pronat e tij dhe është marrë në intervistim. Tjetër nuk di”, tha ai për Arbresh.info.

Arbresh.info ka kontaktuar Zyrën e Prokurorit të Specializuar në Hagë të cilët as nuk e kanë pohuar e as mohuar arrestimin e Shalës.

Zëdhënësi i ZPS-së, Cristopher Bennett tha se Zyra e Prokurorit të Specializuar është duke zhvilluar operacione të vazhdueshme në Kosovë dhe nuk ka komente të mëtejshme.

“Zyra e Prokurorit të Specializuar është duke zhvilluar operacione të vazhdueshme në Kosovë dhe nuk ka komente të mëtejshme.”, thuhet në përgjigjen e Bennett për Arbresh.info.

LEXO EDHE:

Arrestimi i Haxhi Shalës, ZPS nuk pohon e as mohon arrestimin e tij: Jemi duke zhvilluar operacione të vazhdueshme në Kosovë

Kujtojmë që ditë më parë është bastisur edhe shtëpia e bashkëluftëtarit të ish-komandant bashkëluftëtarit të Calit, Behar Berisha.

Kështu kishte bërë të ditur, ushtruesi i detyrës së kryetarit të OVL-UÇK-së, Faton Klinaku./Arbresh.info/

LEXO EDHE:

Bastiset shtëpia e ish-pjesëtarit të UÇK-së, Behar Berisha